Орусияда өзбекстандык жубайлар билет алуу үчүн наристесин сатууга аракет жасашкан

0
421
views

Орусиянын Воронеж облусунда полиция жаңы төрөлгөн баласын 30 миң рублга сатууга аракет жасаган аял менен эркекти кармады. Сурак учурунда жарандык никеде жашаган жубайлар Өзбекстанга билет алуу үчүн ушундай кадамга барышканын билдиришти.

Ымыркайды сатып ала турган адам полиция бөлүмүнүн оперативдүү кызматкери болуп чыккан. Ал наристенин ата-энесине акчаны берип, алардан тилкат жаздырып алган. Кийинчерээк Өзбекстандын эки жараны кармалган.

Тергөө комитетинин Воронеж облусу боюнча өкүлчүлүгү билдиргендей, ата-эне ымыркайдын наркын 30 миң рублга баалашкан. Сот алардын баш коргоо чарасын карайт. Жаңы төрөлгөн бала учурда ооруканада.

Тергөөнүн алдын ала маалыматы боюнча Өзбекстан жараны 8-сентябрь күнү ижарага алган батиринде кыз төрөгөн. Ал жарандык никеде болгондуктан, балага туулгандыгы тууралуу күбөлүк алган эмес. Наристени сатуу боюнча чечим кабыл алышкан соң, кардарларды тааныштары аркылуу издешкен. Сурак учурунда алар Орусияда каттоо мөөнөттөрү бүткөндүгүнө байланыштуу мекенине кайтууну чечишкенин, бирок баланын документи жок болгондуктан, аны сатып, акчасына билет алууну пландашканын айтып беришкен.

ОСТАВЬТЕ ОТВЕТ