Кыргызстандык каратэчилер Turkish Open Karate мелдешинде үч коло медалга ээ болду. Бул тууралуу Дене тарбия жана спорт мамлекеттик агенттигинен билдиришти.
Маалыматка ылайык, мелдеште 35 мамлекеттен келген 1 миң 700гө жакын спортсмен күч сынашты. Ага Кыргызстандын атынан 11 каратэчи катышты.
Алар:
- Раид Абожмей 8-9 жаштагылар арасында 30 кг чейинки салмак категориясында (кумитэ);
- Нуртилек Саидов 16-17 жаштагылар арасында 55 кг чейинки салмак категориясында (кумитэ);
- Айдар Жолчиев, Тимур Жолчиев, Азиз Муратов жана Эмир Жалаловдон турган курама команда 16-17 жаштагылар арасында командалык беттеште коло медаль утту.
Мелдеш 12-14-декабрь күндөрү Түркиянын Стамбул шаарында өттү.
