Жаңы жобого ылайык, саясий, мамлекеттик жана муниципалдык кызматтарга кадрдык резервди түзүүдө бир жыныстагы өкүлдөрдүн үлүшү 70%дан ашпашы керек. Бул мурда лидерлик орундарга кыйла эле аз көрсөтүлүп келген аялдардын атаандаштыкка жана кызматтан көтөрүлүүгө мүмкүнчүлүктөрү кеңейет дегенди билдирет. Жарлык 10 күндөн кийин күчүнө кирет.
УКМК “Хизб ут-Тахрир аль-Ислами” экстремисттик уюмунун аялдар канатынын мүчөлөрү кармалганын билдирди. Алар окутабыз, үйрөтөтбүз деген шылтоо менен кыздарды тескери идеяга сугарып келишкен. Лидерлери жабык телеграм-каналдарга активдүү катышып, тыюу салынган адабияттарды таратып, халифат түзүү маселесин талкуулап турушкан. Жашаган жерлерин тинтүү маалында китептер, компьютерлер, флеш-карталар жана уюлдук телефондор табылган. Шектүү катары беш аял кармалып, тергөө абагына камакка…
