Камчыбек Ташиевдин иши сотко өттү
Бул тууралуу анын жактоочусу Икрамидин Айткулов билдирди. Жактоочунун айтымында, Ташиев бийликти күч менен басып алууга даярданууга жана кызмат абалынан кыянаттык менен пайдаланууга айыпталууда. Башкы прокуратура айыптоо актын бекитип, иш Биринчи Май райондук сотуна өткөрүлгөн. Ташиев менен бирге дагы жети адам айыпталып жатат. Ошондой эле жактоочу ишке купуя макамы берилгендиктен сот жабык өтүшү мүмкүндүгүн кошумчалады.