Кочкордо жаңы заманбап оорукана курулууда
Нарын облусунун Кочкор районунда эки үч кабаттуу корпустан турган жаңы оорукана курулууда. Курулуш министрлигинин маалыматына ылайык, объект республикалык бюджеттен каржыланууда. Оорукананын жалпы аянты 6 миң 661 чарчы метрди түзөт. Имаратта 40ка жакын палата, төрөт бөлүмү, операциялык блок, биохимиялык лаборатория, реанимация жана стерилдөө бөлүмдөрү, дарыгерлердин бөлмөлөрү, жыйындар залы жана ашкана жайгашат. Оорукана лифт менен жабдылат.