Урматбек Шамырканов Өзгөчө кырдаалдар министринин милдетин аткаруучу болуп дайындалды. Анын талапкерлиги Кыргыз Республикасынын Өзгөчө кырдаалдар министри кызматына дайындоо үчүн Кыргыз Республикасынын Жогорку Кенешине макулдашууга киргизилди.
Транспорт жана коммуникациялар министринин милдетин аткаруучу болуп Талантбек Солтобаев дайындалды. Анын талапкерлиги да макулдашуу үчүн парламентке жөнөтүлдү.
Ошондой эле Акыл Токтобаев жаратылыш ресурстары, экология жана техникалык көзөмөл министринин милдетин аткаруучу болуп дайындалды. Анын талапкерлигин бекитүү маселеси Жогорку Кенештин депутаттары тарабынан каралат.
Сүрөт: Репортер.кж
