Жогорку Кеңештин коомдук талкуусуна депутат Токтобүбү Ашымбаеванын мыйзам долбоору чыгарылды.
Анда эне сүтүн алмаштыруучу аралашмалардын, бөтөлкөлөрдүн, соскалардын, эмизгичтердин жана ымыркайлар үчүн кошумча тамактардын жарнамасына толук тыюу салуу сунушталууда. Тыюу тикелей жарнамага гана эмес, окшош аталыш, таңгак, түс жана ураан аркылуу жүргүзүлгөн жашыруун жарнамага да тиешелүү болушу мүмкүн.
Демилгечи мындай чараны балдардын туура эмес тамактануусу жана эмчек эмизүүнүн төмөн көрсөткүчтөрү менен негиздейт. Мыйзам долбоорунун маалымкатында айтылгандай, Кыргызстанда 6 айга чейинки ымыркайлардын болгону 44%ы гана жалаң эне сүтү менен багылат, ал эми энелердин андан баш тартуусуна аралашма өндүрүүчүлөрдүн агрессивдүү маркетинги себеп болуп жатканы белгиленет.
