Январь-июль аралыгында казинолордон бюджетке 129 миллион сом түштү. Бул тууралуу Финансы министрлиги билдирет.Июль айында 21,6 миллион сом салык төлөнгөн.Жалпы оюн-зоок компанияларынан түшкөн киреше 136 миллион 88 миң сомго жетти.Финансалык көзөмөл агенттиги дагы бир казиного жана бир нече онлайн-казиного лицензия берди.
Ош шаары эски үлгүдөгү жарнамалык такталардан тазаланды. Бул туурасында бүгүн, 29- августта мэриянын басма сөз кызматы билдирди. Маалымдалгандай, эски үлгүдөгү 300гө жакын жарнама такталары алынган. Эске салсак, буга чейин өлкө башчы Садыр Жапаров Бишкек мэриясына шаардагы эски жарнамалык такталарды 31-августка чейин толугу менен тазалоо тапшырмасын берген.
Талас районунда темир-бетон заводу ачылды. Бул тууралуу Талас районунун акими Нургазы Нармырзаев билдирди. Темир-бетон заводу Чоң-Алыш айыл аймагынын Манас айылында курулду. Ишкананы салууга Талас райондук өнүктүрүү фондунан 13 млн 922 миң 804 сом жумшалган. Жалпы 15 жумуш ооруду түзүлдү. Темир бетон буюмдарын өнүктүрүү технологиясы бетон аралашмасын даярдоо, продукциянын берилген түрүн калыпка салуу процесстерин өзүнө камтыйт….
Жогорку Кеңештин мурдагы депутаты Шайлообек Атазов кайра рингге кайтып келди. Ал бүгүн Тайландда Муай Тай боюнча дүйнөлүк чемпиондук кур үчүн беттешет. Эске салсак, Шайлообек Атазов кесипкөй боксчу, ал 2006-жылы кикбоксинг боюнча дүйнө чемпиондугун, андан кийин дагы бир катар эл аралык мелдештерди жеңген.
Өзбекстандын жана Египеттин жарандары Кыргызстандын миграция мыйзамдарын гана бузбастан элди мыйзамсыз дарылап дагы келишкен. Бул тууралуу УКМК кабарлады. Алар Ош шаарында «Ойдин» клиникасын эч бир уруксат кагаздары жок уюштурушкан. Анда ички органдардын ооруларын диагностикалоо, фитотерапия, хижама, массаж жана башка кызматтарды көрсөтүшкөн.
Дүйнөлүк көчмөндөр оюндары 2026-жылы Өзбекстанда өтөт. Бул тууралуу 2024-жылдын сентябрь айында Астанада өтө турган оюндарга улуттук курама команданы даярдоо боюнча жыйында белгилүү болду. Буга чейин VI Дүйнөлүк көчмөндөр оюндары Кыргызстанда өтө турганы айтылган. Эске салсак, оюндар үч ирет Кыргызстанда, төртүнчүсү Түркияда өткөн. Эми бешинчиси сентябрь айында Казакстанда болот.
Ош шаарында көп балалуу аялдарга «Баатыр эне», «Эне даңкы» сыйлыгы ыйгарылды. Бул тууралуу мэрия билдирди. 15 аял «Баатыр эне» болушса, 11и «Эне даңкы» медалын алышты.“Баатыр эне” наамы жети жана андан көп бала төрөгөн, балдарга бардык жактан татыктуу тарбия берген энелерге ыйгарылат. Ал эми «Эне даңкы» медалы менен алты бала төрөгөн жана аларды татыктуу тарбиялаган Кыргыз…
Улуттук банктын лицензиясы жок нак чет өлкө валютасы менен алмашуу операцияларын жүргүзгөн эки жаранга айып салынды. Бул тууралуу жөнгө салуучу орган билдирди. Ошондой эле, Баткен облусунда мыйзамдардын жана Улуттук банктын ченемдик укуктук актыларынын талаптарын бузган эки алмашуу бюросунун ар бирине 55 миң сомдон айып пул салынган. Бул чаралар валюталык операцияларга көзөмөлдү күчөтүүгө жана каржы тармагындагы…
Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти. Маалыматка ылайык, Мамкурулуш агенттигине караштуу Жалал- Абад регионалдык мамлекеттик-архитектура курулуш контролдоо башкармалыгы кыш өндүрүүчү компанияларга пландан тышкары текшерүү жүргүзүп, жыйынтыгында ченемдик укуктук актылардын бузулган фактылары аныкталды.Аталган фактылар боюнча жазма буйруктар берилип КР Укук бузуулар жөнүндөгү кодекстин 144-беренсинин 1-пунктуна ылайык ар бир кыш өндүрүүчү заводго…
Бишкекте 7 айда 156 миң 290 тонна таштанды чыгарылды. Бул тууралуу муниципалитеттен маалымдашты.Маалыматка караганда, 2022-жылга салыштырмалуу 50 271 тоннага жана 2023-жылга салыштырмалуу 38 589 тоннага көбөйгөн.Белгилей кетсек, бул көйгөйдү чечүү үчүн атайын жабдууларды алуу боюнча келишимдер түзүлгөн. Участокторду толук камтуу үчүн зарыл болгон таштанды ташуучу унаалардын келиши жакынкы аралыкта пландалууда.
