Сезим Жуманазарова Ташкенттеги турнирде атаандашын жеңди
Кыргызстандык балбан Ташкентте өтүп жаткан PWL күрөш лигасынын турниринде өзбекстандык Лайлохон Собированы 9:3 эсеби менен жеңип алды. Балбандар 59 кг салмак категориясында күч сынашты.
Рубрика: Спорт
Кененирээк
Акжол Махмудов япониялык атаандашын 19:6 эсебинде утуп алды
Балбандар Ташкентте өткөн PWL турниринде күч сынашты. Кыргызстандык балбан Акжол Махмудов Олимпиада оюндарынын чемпиону Нао Кусаканы 19:6 эсебинде жеңип, беттешти мөөнөтүнөн мурда жыйынтыктады.
Кыргызстанда киберспортту расмий спорт түрү катары таануу сунушталууда
Кыргызстанда киберспортту расмий түрдө таанып, аны өнүктүрүүнү каалашууда. Мыйзам долбоорунун демилгечиси депутат Дастан Бекешев акыркы жылдары дүйнөдө Dota 2, Fortnite жана башка оюндар боюнча чоң турнирлер өтүп, алардын байге фонддору миллиондогон долларларга жеткенин эске салды. Документте мектептик жана студенттик лигаларды өнүктүрүү, улуттук курамаларды түзүү жана жашы жете электер үчүн өзүнчө эрежелерди киргизүү да каралган. Киберспорт…
«Намыс» командасы Көк бөрү турниринде чемпион болду
Көк бөрү боюнча Нооруз майрамына арналган республикалык мелдеште жогорку лигада Нарындын «Намыс» командасы алгачкы жолу жеңүүчү болду. Финалдык беттеште теңир тоолуктар Таластын «Ынтымак» командасын 4:3 эсеби менен жеңип алды.Нооруз турнирин тогуз жолу уткан «Ынтымак» командасы көп жылдан бери алгачкы жолу биринчиликти алдырып жиберди. «Ынтымактын» негизги атаандашы болгон «Достук» командасы быйыл мелдештен четтетилген эле.Жогорку лигада 3-орунду…
«Достук» командасы Ноорузга арналган көк бөрү турниринен четтетилди
Көк бөрү федерациясынын маалыматы боюнча 17-март күнү «Достук» менен «Мурас» ойноп жатканда командалардын ортосунда жаңжал чыккан. Тартип комиссиясы видео материалдарды карап чыгып, Ысык-Көл ички иштер башкармалыгынын сунуштамасын эске алуу менен командаларды Нооруз турниринен четтетүү тууралуу чечим кабыл алды. Бир тууган Ниязовдор ойногон «Достук» клубу көк бөрү боюнча Кыргызстандагы эң күчтүү эки команданын бири.
Президенттин фондунан Баткенге 10 кичи футбол аянтчасы курулат
Маалыматка ылайык, Баткен шаарына 4, Баткен районуна 6 кичи футбол аянтчасы курулат. КР Президентинин Баткен облусундагы ыйгарым укуктуу өкүлү Мамыржан Рахимов футбол аянтчалары курулуучу жерлерди көрүп чыкты. Курулуш иштери эки айдын ичинде бүтүп, пайдаланууга берилет деп пландалууда.
«Көкпар» боюнча дүйнө чемпионатына Кыргызстан катышпайт
Кыргызстандын «Көк бөрү» федерациясынын жетекчиси Эрлан Абдыкапаровдун айтымында, уюштуруучулар мелдешке 10 күн калганда гана чакыруу жиберишкен. Мындай кыска убакытта аттарды даярдап, курама команданы чогултуу мүмкүн болбогондуктан турнирге катышпоону чечишкен. Ошондой эле учурда Кыргызстандагы клубдар Ноорузга карата өтө турган «Көчмөндөр оюндарына» тандоо турнирине даярданып жатышат. Мындан улам команда жетекчилери аттарын жана оюнчуларын бошото албай турганы айтылды….
Балбан Айсулуу Тыныбекова уулдуу болду
Кыз-келиндер күрөшү боюнча дүйнө чемпиону, Токио жана Париж Олимпиадаларынын байге ээси Айсулуу Тыныбекова уулдуу болгонун жарыялады. Тыныбекова кыз-келиндер күрөшүнөн Дүйнөнүн үч жолку, Азиянын алты жолку чемпиону. Тыныбекова 2028-жылы Лос-Анжелесте өтө турган Олимпиадага бара турганын билдирген.
Албаниядагы эл аралык мелдеште кыргыз балбандары эки коло медаль утту
Тирана шаарында өткөн рейтингдик турнирде Үзүр Жусупбеков менен Раззак Бейшекеев коло медалга ээ болду. Жусупбеков 97 килограмм салмакта күрөшсө, Бейшекеев 72 килограмм салмак ченинде күч сынашты. Аталган мелдеште килем үстүнө Кыргызстандын атынан Акжол Махмудов, Улан Муратбек уулу, Курманбек Жапаров, Амантур Исмаилов, Ырыскелди Максатбек уулу жана Мелис Айтбеков да чыкты. Бирок байгелүү орундарга илешкен жок.
Мээрим Жуманазарова Албаниядагы турнирде күмүш медаль тагынды
Ал кыз-келиндер күрөшүнөн 68 килограммга чейинки салмакта финалга чыгып, алтын байге үчүн болгон беттеште болгариялык Юлиана Яневага 2:0 эсебинде утулуп калды. Дагы бир кыргызстандык балбан Гүлнур Таштанбекова 65 килограммга чейинки салмакта коло медаль тагынды. Ал индиялык Апекша Патилди 4:3 эсеби менен жеңип алды. MUHAMET MALO–2026 рейтингдик турнири ушу тапта Албаниянын Тирана шаарында өтүп жатат.