Агартуу министрлиги билим берүү уюмдарында өткөрүлө турган «Акыркы коңгуроо» салтанатына бүтүрүүчүлөрдөн, ата-энелерден жана мыйзамдуу өкүлдөрдөн акча каражаттарын чогултууга тыюу салынарын эскертти.
Мындан тышкары, мугалимдерге же мектеп администрациясына белек алуу үчүн каражат чогултуу, мектептен тышкаркы иш-чараларды уюштуруу, ата-энелерге материалдык басым көрсөтүү мыйзамсыз болуп эсептелет.
Агартуу министрлиги мектеп жетекчилерин, мугалимдерди жана ата-энелерди мыйзам талаптарын так сактоого чакырат.
«Акыркы коңгуроо» салтанаты быйыл 29-майда өтөт.
