Сот адилеттиги боюнча кеңеш жергиликтүү соттордогу бош судьялык кызмат орундарын толтуруу үчүн өткөрүлүп жаткан конкурстун алкагында компьютердик тестирлөөнү жыйынтыктады.
Маалыматка ылайык, жалпы 265 талапкер катышуу үчүн документ тапшырган. Алардын ичинен 4 талапкер сынакка киргизилбей, дагы 1 талапкер өз каалоосу менен баш тарткан.
Компьютердик тестирлөөгө 138 талапкер катышууга мүмкүнчүлүк алган. Экзамендин жыйынтыгында 73 адам гана катышуучу босого баллды топтой алган.
Мындан тышкары, 9 талапкер белгисиз себептерден улам тестке келбей калган.
Тестирлөөдөн ийгиликтүү өткөн талапкерлерге алган упайлары көрсөтүлгөн сертификаттар берилет.
Конкурстук тандоо мындан ары да улантылат.
