Айыл чарба министрлигинин маалыматына ылайык, Кыргызстанда үрөнчүлүк менен питомник чарбасын өнүктүрүү үчүн жеңилдетилген каржылоо механизми ишке кирди.
Насыялар коммерциялык банктар аркылуу 3% менен 36 айга чейин берилет жана программа бекитилген тизмеге кирген чарбаларга арналган.
Шартка ылайык, каражаттын 60%ы үрөнчүлүк чарбаларына, кеминде 40%ы питомник чарбаларына бөлүнөт. Бул акча үрөн, көчөт сатып алууга, продукция өстүрүүгө, жабдууларды жаңылоого жумшалат, ал эми кененирээк маалыматты «Элдик Банк» менен «АБанк» филиалдарынан алууга болот.
