Россиялык ЖМКлардын маалыматына караганда, стендап-комик жана «Что было дальше?» шоусунун алып баруучусу Нурлан Сабуровго РФ аймагына 50 жылдык мөөнөткө, 2076-жылга чейин кирүүгө тыюу салынды.
Алдын ала маалымат боюнча, ал бул тууралуу Дубайдан учуп келип, Москванын Внуково аэропортунда паспорттук көзөмөлдөн өткөндөн кийин билген.
Материалдарда комиктин ишмердүүлүгүнө байланыштуу каржылык жагдайлар жана Россиядагы 60 млн рублдан ашкан мүлкү тууралуу да айтылат, бирок расмий түшүндүрмө азырынча берилген жок. Буга чейин ЖМКларда анын Шереметьево аэропортунда миграциялык мыйзам бузуу боюнча кармалганы тууралуу да маалымат чыккан.
