Чек ара кызматы эмгек майрамына байланыштуу эки өлкөнүн ортосундагы өткөрүү пунктары жабыларын кабарлады. Ага ылайык, көзөмөл-өткөрүү бекеттери 30-апрель күнү кечинде ишин токтотуп, 2-майда кайра жанданат. Демилге коңшу өлкөгө таандык.
УКМКнын Чек ара кызматынан билдиришкендей, «Эркечтам» өткөрмө бекети 15-февраль кечки саат 8ден 19-февралга чейин, «Торугарт» көзөмөл-өткөрүү пункту 17-февралдан 20-февралга чейин жабык болот. Бул убакыт аралыгында адамдар, транспорт каражаттары жана жүк өткөрүлбөйт. Мунун себеби Кытайда Жаз майрамын белгилөөгө байланыштуу.
Минкабдын күрөөканаларга талапты күчөткөн токтомуна ылайык, ломбарддардын уставдык капиталынын минималдуу өлчөмү этап-этабы менен көбөйтүлөт. Учурда уставдык капитал 3 млн сомдон кем болбоого тийиш болсо, 1-июлдан тартып бул сумма 7 млн сомго, 2027-жылдын 1-июлунан тартып 14 млн сомго, ал эми 2028-жылдын 1-июлунан тартып 20 млн сомго жеткирилет. Ломбард ишинин субъектилерине алты айдын ичинде жаңы талаптарга ылайыкташуу…
