Өлкөдө 174 миңге жакын жаран өзүнүн насыя алуусун чектеди
6-февралга чейинки мезгил аралыгында 173 904 адам “Түндүк” мобилдик тиркемеси аркылуу кредит алууга өзүнө-өзү тыюу салды. Бул тууралуу Улуттук банктан билдиришти. Белгилеп кетсек, бул механизм 2025-жылдын 1-ноябрынан тарта иштеп баштаган. “Өзүнө-өзү тыюу салуу” – бул жаран үчүн каржы-кредиттик уюмдарда анын атына насыяларды жол-жоболоштуруу мүмкүнчүлүгүн алдын ала өз ыктыяры менен чектөөчү акысыз кызмат.