Бишкекте самокаттардын ылдамдыгын 15 км/саатка чейин түшүрүп, эрежени бузган компаниялар жоопко тартылат.
Учурда самокаттардын максималдуу ылдамдыгы 25 км/саат. Бул жөө адамдарга, өзгөчө балдарга, кары-картаңдарга жана мүмкүнчүлүгү чектелген адамдарга кооптуу экени белгиленген. Мындан улам анын ылдамдыгын 15 км/саатка чейин түшүрүү сунушталды.
Ошондой эле самокаттарды ижарага берген компаниялар ылдамдык чектегичтерин өчүргөн же айланып өткөн учурда жоопкерчиликке тартылышы мүмкүн. Мыйзам кайталанып бузулса, келишимди токтотуу чарасы да каралган.
