Бул тууралуу Казакстандын Улуттук банкынын төрагасынын орун басары Бинур Жаленов билдирди.
Жаңы система аркылуу жарандар чет өлкөдө өз банкынын кадимки тиркемеси жана QR-код менен товарлар жана кызматтар үчүн төлөй алышат.
Система 11 өлкөдө этап-этабы менен ишке киргизилип, аны 2027-жылдын жай айына чейин толук туташтыруу пландалууда.
Мисалы, кыргызстандык жаран Казакстанда QR-кодду өзүнүн банктык тиркемеси аркылуу сканерлеп төлөй алат. Казакстандыктар Кыргызстанга келгенде да ушул эле мүмкүнчүлүккө ээ болот.
Мындай операциялар үчүн комиссиянын өлчөмүн банктардын өздөрү аныктайт.
