Сүлүктү шаарындагы «Южный 3» көмүр кенинде урандынын астында калган эки кен казууучу куткарылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, 7-январда Сүлүктү шаарындагы «Южный 3» шахтасында эки жумушчу урандынын астында калган. Жалпысынан 18 куткаруучу тартылган.
Кечээ жүргүзүлгөн издеп-куткаруу иши көмүр шахтанын 140 метр тереңдигинде жүргүзүлгөн.Кырсык катталган убакыттан жарым саат өтпөй 1992-жылы жана 1976-жылы туулган жарандар куткарылган.
Эскерте кетсек Сүлүктүдөгү көмүр шахталарында соңку эки жыл аралыгында 94 куткаруу иштери аткарылып, анын ичинде алты жарандын өмүрүн сактап калышкан.
