“Ден соолук кербени” Баткен облусунда акысыз медициналык кызмат көргөзөт. Бүгүн кербен, Суу-Башы айыл өкмөтүнө караштуу Апкан айылынын элин акысыз медициналык кароодон өткөрүп жатат. Бул «Примов» фонду тарабынан ишке ашып жатат. “Примов” фондунун “Ден соолук кербени” көчмө клиникасы заманбап медициналык апараттар менен ыктыярчы дарыгерлердин коштоосунда 15 апрелден тарта Баткен облусунун аймагын кыдырып кызмат көргөзүшөт. Акысыз текшерүү иштери 28-апрелге чейин уланат. Медициналык кароодон өтө турган жарандар ачкарын (тамактанбастан) келүүсү зарыл. *Апкан 15-апрель* *Ак-Турпак 16-апрель* *Достук 17-апрель* *Паскы Арык 18-апрель* *Самаркандек 19-20 апрель* *Ак Татыр 21апрель.* *Ак Сай 22 апрель* *Капчыгай 23 апрель* *Көк Таш 24 апрель* *Кара Бак 25-26 апрель* *Баткен 27 апрель* Медициналык кароо *АКЫСЫЗ*. Медициналык кароодон өтө турган жарандар *АЧКАРЫН (ТАМАКТАНБАЙ)* келүүсү зарыл.
Бегимай Асанова