Бүгүн , 16-августка караган түнү Кыргыз-Кытай чек арасына жакын аймактарда жер силкинүү катталды. Бул тууралуу Сейсмология институтунан билдиришти. Маалыматка ылайык түнкү саат 3:23 тө жер силкинип, анын күчү үч баллга жеткен.
Жер титирөөнүн очогу Какшаал-Тоо кыркасында, Бедел айылынан 30 чакырым түштүк чыгышта, Каракол шаарынан 133 чакырым түштүктө жайгашкан.
Кыргызстандын калктуу конуштарында жер титирөөнүн күчү сезилген жок .
Нурзаада Мурзаматова