Бишкек шаардык сотунда журналист Канышай Мамыркулованын иши боюнча соттук отурум өттү.
Отурумда активист Атай Бейшенбек суракка алынды. Ал Мамыркулова репост кылган пост аныкы экенин ырастады. Аталган пост Мамыркулованын соттук-лингвистикалык экспертизасында колдонулуп «этникалык кастыкты козутуу» элементтерин камтыган деп эсептелген.
Атай Бейшенбек ошондой эле бул анын 2022-жылы кыргыз-тажик чек арасына байланыштуу жалгыз посту эмес экенин белгиледи.
Кийинки соттук отурум 19-январда саат 11:00гө белгиленди.
Эскерте кетсек, 3-июлда Октябрь райондук соту Канышай Мамыркулованы алты жылга шарттуу түрдө эркинен ажыратып , төрт жылга шарттуу түрдө көзөмөлгө алуу өкүмүн чыгарган. Ага түнкүсүн үйүнөн чыгууга жана социалдык медиада пост жазууга тыюу салынат.
Нурзаада Мурзаматова