2026-жылы Италияда өтө турган XXV Кышкы Олимпиада оюндарында Кыргызстан атынан эки спортчу катышат.
Улуттук курама команданын курамына:
- Тимур Шакиров — тоо лыжасы (машыктыруучусу: Игорь Борисов),
- Артур Сапарбеков — лыжа жарышы (машыктыруучусу: Александр Левданский) кирди.
Лыжа жарыштары Италиянын Валь-ди-Фьемме шаарында өтөт. Артур Сапарбеков классикалык стилдеги спринтке, 10 км эркин стилдеги жарышка катышат.
Тимур Шакиров гиганттык слалом жана слалом боюнча күч сынашат. Мелдештер Бормио тоо-лыжа курортунда өтөт.
Кышкы Олимпиада — 6–22-февраль,
Кышкы Паралимпиада — 6–15-март күндөрү өтөт.
