Садыр Жапаров чакан жана орто ишкердикти колдоо институттарынын консорциумун түзүү тууралуу жарлыкка кол койду.
Ал мамлекеттик органдарды, финансылык секторду, билим берүү мекемелерин жана эл аралык өнөктөштөрдү бириктирүүгө багытталган.
Консорциумдун катчылыгы Экономика жана коммерция министрлиги болуп дайындалды. Уюштуруучулар кеңеши ЧӨИ боюнча артыкчылыктарды аныктап, анын чечимдери катышуучулар жана мамлекеттик органдар үчүн милдеттүү болот.
Министрлер кабинетине 2026-жылдын экинчи кварталына чейин 2030-жылга чейинки колдоо программасын бекитүү тапшырылды. Анда жаштар жана аялдар ишкердиги, социалдык жана региондук бизнес, кластерлер жана креативдүү экономика камтылышы керек.
