Таңкы рейддин жүрүшүндө Ош шаарынын мэри Жеңишбек Токторбаев Тешик-Таш базарынын аймагын жеринен көрүп чыгып, учурдагы абалы менен таанышты.
Анын жыйынтыгында тиешелүү мекеме-ишканалардын жетекчилерине жакынкы күндөрү базарды белгиленген талаптарга ылайык жаңы базарга көчүрүү боюнча тапшырма берди.
Шаар башчысы базардын башаламан жайгашуусу жол кыймылына тоскоолдук жаратып жатканын, жарандардын коопсуздугуна коркунуч туудуруп, санитардык-гигиеналык талаптар сакталбай жатканын белгилеп, базардын ишин иретке келтирүүнүн жана соода-сатыкты белгиленген тартипке ылайык уюштуруунун зарылдыгын белгиледи.
Тиешелүү кызматтарга базарды көчүрүү процессинде ишкерлерге тиешелүү шарттарды түзүү, альтернативдүү соода аянтчаларын сунуштоо жана калкка түшүндүрүү иштерин жүргүзүү боюнча конкреттүү тапшырмалар берилди.
