Кыргызстандын жогорку билим берүү системасына өзгөртүүлөр киргизилет. Бул тууралуу Илим, жогорку билим берүү жана инновациялар министрлигинин коллегиясында белгилүү болду.
Маалыматка ылайык, жаңы министрликтин түзүлүшү жогорку билим берүү жана илим тармагын терең жаңылоого багытталган алгачкы кадам болду. Негизги максат — университеттерди таланттарды тарткан борборго, заманбап билимдин булагына жана өлкөнүн узак мөөнөттүү өнүгүүсүнүн негизги кыймылдаткычына айлантуу.
Жакынкы убакта окуу программалары кайра каралат. Эскирген дисциплиналар алынып салынат, натыйжасыз багыттар жакшыртылат жана заманбап экономика талап кылган жаңы курстар киргизилет.
