Чет өлкөдөгү кыргыз мигранттары тууралуу жаңы электрондук маалымат базасы түзүлөт. Бул тууралуу Эмгек, социалдык камсыздоо жана миграция министрлигинин биринчи орун басары Нурдөөлөт Базарбаев “Мигранттарга камкордук” пилоттук долбоорунун Жалал-Абад облусунда жыйынтыгын текшерип жатып билдирди.
Долбоордун алкагында Жалал-Абад облусунун Сузак районунун 6 айыл аймагында үймө-үй кыдыруу учурунда чет өлкөдө эмгектенген жарандар тууралуу маалыматтар чогултулган.
Бүгүнкү күндө 6 миңден ашуун эмгек мигранттарынын үй-бүлөлөрү маалымат базасына киргизилген, бул миграция жаатындагы статистиканы так көзөмөлдөөгө, калктын арасында коопсуз миграцияны илгерилетүү жаатында тиешелүү чечимдерди кабыл алуу үчүн мамлекетке мүмкүнчүлүктөрдү берет.
Иш-чарага ошондой эле Жалал-Абад облусунун акимдери жана акимдердин орун басарлары катышты.
