Бишкек шаардык соту «Кемпир-Абад» иши боюнча айыпталып жаткандарды актаган чечимди күчүндө калтырды.
27-марттагы отурумда тараптардын жарыш сөзү угулду. Мамлекеттик айыптоочулар Кемпир-Абад ишин кароону кайрадан райондук сотко жиберүүнү өтүнгөн. Ал эми айыпталгандар актоону суранышкан.
2022-жылы октябрда Кемпир-Абад суу сактагычынын Өзбекстанга өтүп жатканына каршы пикирин билдирген 27 адам — саясатчы, укук коргоочу жана активист кармалган. 2024-жылы Биринчи май райондук соту алардын 22син актаган.
