Slider

Социалдык фонд 1-октябрдан тарта пенсиянын базалык бөлүгүн дээрлик эки эсеге көбөйтүүнү сунуштап жатат. Министрлер кабинетинин токтом долбоору коомдук талкууга чыгарылды.

Пенсиянын базалык бөлүгү пенсиянын мамлекет тарабынан кепилденген бөлүгү болуп саналат, ал аткаруу бийлиги тарабынан белгиленет.

«Пенсиянын базалык бөлүгү пенсионерлерди социалдык жактан коргоонун негизги инструменти болуп саналат жана орточо эмгек акынын 12 пайызынан (өткөн жылга карата иш жүзүндө республикада белгиленген) төмөн эмес деңгээлде кармалат. Улуттук статистикалык комитеттин маалыматы боюнча 2021-жылга карата орточо эмгек акы 19 миң 330 сомду түзсө, анын 12 пайызы 2 миң 319 сомду түздү», — деп айтылат документте.

Бирок, министрлер кабинетинин өткөн жылдын 25-декабрындагы токтому менен 2022-жылдын 1-октябрынан тартып пенсияны 50 пайызга жогорулатуу каралгандыктан, пенсиянын базалык бөлүгүн 3170 сом өлчөмүндө белгилөө сунушталууда. Бүгүнкү күндө 1 миң 780 сомду түзөт.

Социалдык фонд коомдук талкууга койгон экинчи токтом долбоорунда пенсиянын камсыздандыруу бөлүгүн 15 пайызга көтөрүү сунушталууда.

Эгерде пенсиянын базалык бөлүгү белгиленсе жана камсыздандыруу бөлүгү индексацияланса, орточо пенсия 8 миң 80 сомду түзөт, бул 13 пайызга жогорулаган учурдагы орточо пенсиядан жогору.

Социалдык фонддун алдын ала эсептөөлөрү боюнча, 1-октябрга карата Кыргызстанда 735,7 миң пенсионер болот.

Добавить комментарий

Ваш адрес email не будет опубликован. Обязательные поля помечены *