Бишкектин Биринчи Май райондук соту Шаирбек Ташиевди тергөө абагына камоо чечимин чыгарды. Ал 16-майга чейин СИЗО-1 тергөө абагында камакта болот.
Адвокат Жыргал Бабаев өзүнүн кардары күнөөсүн мойнуна албай турганын билдирди. Ал айыптоолор тийиштүү түрдө далилденбегенин, ошондуктан коргоо тарап соттун чечимине даттанууну көздөп жатканын билдирди.
Ал ошондой эле Ташиев көрсөтмө берип, тергөөчүлөрдүн бардык суроолоруна жооп бергенин белгиледи. Учурда анын камакта кармоо шарттары боюнча эч кандай даттануулар жок.
