“Под ключ” салынган үйлөр жашоо-шарты начар жалгыз бой 100 энеге берилет. Бул тууралуу бизге Жети-Өгүз районунун акими Эрмек Бахавадинов билдирди.
“Айыл өкмөттөн 3 гектар жер бөлүп бергенбиз. Үйлөр кайрымдуулук фонду тарабынан 170 млн сомго курулуп жатат. Бардык шарты, эмереги менен болот. Буюрса, жайында берилет”, — деди район жетекчиси.
Ал ошондой эле социалдык шаарчада кичи стадион, ФАП, мечит жана кондитердик цех салынарын кошумчалады. Бала бакча куруу боюнча сүйлөшүүлөр жүрүп жатат.
