Европа биримдиги Кыргызстанга жаңы санкция салат
Евробиримдик «Орусияга учурдагы чектөөлөрдү айланып өтүүгө жардам бергени үчүн» деген негизде Кыргызстанга каршы санкцияларды киргизүүнү карап жатат. Бул тууралуу Bloomberg агенттиги билдирди. Маалыматка караганда, бул жолу Кыргызстанга карата санкцияларды кыйгап өтүүгө каршы чаранын атайын механизми колдонулушу мүмкүн. Негизинен өлкөгө станок жана радиоэлектрондук жабдыктардын ташылышына тыюу салуу каралып жатат.