Рубрика: Дүйнө

10-февралда Анкарада Кыргызстан менен Түркиянын парламент жетекчилери сүйлөшүүлөрдүн жыйынтыгын чыгарып, товар жүгүртүүнү 5 млрд долларга чейин жеткирүү ниетин билдиришти. Бул үчүн былтыр кол коюлган келишимдерди ратификациялоону тездетүү, достук топторун жигердентүү жана бизнес менен инвестдолбоорлорду колдоодо парламенттик дипломатияны колдонуу пландалууда. Туркия Бишкекке саясий колдоо көрсөтөрүн, анын ичинде Кыргызстандын 2027–2028-жылдарга БУУнун Коопсуздук кеңешине туруктуу эмес мүчө болуу…

Венесуэла акыркы жылдардагы тыныгуудан кийин Израилге мунайдын биринчи партиясын экспорттоду. Bloomberg маалымдагандай, жүк өлкөдөгү эң ири мунай кайра иштетүүчү Bazan Group компаниясы үчүн жөнөтүлүүдө. Булактардын айтымында, акыркы бир айда венесуэлалык мунайдын негизги бөлүгү Индия, Испания жана АКШдагы сатып алуучуларга сатылган. Экспорттун жанданышы Каракастын дүйнөлүк базарга кайтып, жаңы өнөктөштөрдү активдүү издеп жатканын көрсөтөт.

Reuters чектөөлөр Россияга криптоактивдер жаатындагы кызматтарды көрсөтүүгө байланыштуу экенин жазууда. ЖМКлардын маалыматына караганда, санкцияларды айланып өтүүгө бөгөт коюучу механизмди ЕБ тарыхында биринчи жолу үчүнчү өлкөгө каршы колдонгону жатат.Жаңы чектөөлөр Кыргызстанга металл кесүүчү станокторду жана үн, сүрөт, маалымат берүүчү байланыш жабдууларын, тагыраагы, модемдер менен маршрутизаторлорду жеткирүүгө тыюу салат. Санкциялык тизмеге Лаостогу жана Тажикистандагы банктар дагы кириши…

Кытайлык компания Кыргызстанда тиричилик техникаларын, электр шаймандарын өндүрүүчү өнөр жай курууну пландоодо. “Миньшан”компаниясынын өкүлдөрү Министрлер кабинетинин башчысы менен болгон жолугушууда ушул сыяктуу долбоорлорду ишке ашырууда тажрыйбалары бар экенин айтып, алар жогорку технологиялуу парктын долбоорун сунушташкан.Кыргыз тарап инвесторлорго жардам берүүгө убада берди. Парктын сунушталган жайгашкан жери көрсөтүлгөн эмес.