Рубрика: Саясат

Бишкек мэри Айбек Жунушалиев Орто-Сай базарындагы абалга нааразы болуп, бир катар чечимдерди кабыл алды. Октябрь районунун акими Жаныбек Орозалиев жана анын биринчи орун басары Майрамбек Адылбеков кызматтан бошотулду. Ошондой эле вице-мэрлер Азамат Кадыров менен Рамиз Алиевге эскертүү берилди. Мэр базарда башаламан соода кайра жанданып, көзөмөл жетишсиз болгонун сынга алды.

Жогорку Кеңештин жыйынында төрага Марлен Маматалиев Кыргызстан парламентте аялдардын саны боюнча дүйнөдө биринчи орунда турганын билдирди. Анын айтымында, бул маселе жакында БУУнун алкагындагы парламенттер аралык кызматташтыкта да каралган. Маматалиев парламентте азыр 31 аял депутат иштеп жатканын белгилеп, муну рекорддук көрсөткүч деп атады. Ошондой эле анын айтымында, комитеттерде жана эл аралык депутаттык достук топторунда аялдардын өкүлчүлүгү…

Ички иштер министрлиги билдиргендей, ал суракка күбө катары чакырылган. Маалыматка ылайык, Ташиев милицияда бир нече саат болуп, «Кыргызнефтегаздагы» коррупция иши боюнча тергөө алкагында сурак берген. Медиа каражаттары жазгандай, ал маалыматты ачыкка чыгарбоо тууралуу тил катка кол койгон. Иш боюнча башка маалыматтар азырынча ачыктала элек. Эске салсак, бүгүн эрте менен анын учуп келгени жана дароо суракка…

Улуттук коопсуздук боюнча мамлекеттик комитеттин (УКМК) мурдагы төрагасы Камчыбек Ташиев 19-мартта Кыргызстанга учуп келип, Ички иштер министрлигинин Башкы тергөө башкармалыгында сурак берип жатат. Маалыматка ылайык, Ташиев эки кылмыш иши боюнча күбө катары сурак берип жатат. Анын бири — «Кыргызнефтегаз» ишканасындагы коррупциялык иштерге байланыштуу. Экинчиси тууралуу маалымат берилген жок.

Улуттук банктын төрагасы Мелис Тургунбаев өз арызы менен кызматтан кетип, ордуна финансы министри болуп иштеп келген Бакыт Бакетаев барды. Тургунбаев бул кадамга эмне себептен барганы тууралуу комментарий берген жок. Ал эми Финансы министри болуп Руслан Суйналиев дайындалды.

Улуттук коопсуздук комитетинин төрагасы Жумгалбек Шабданбеков ЖМКларга берген маегинде агенттиктин реформасы, иштөөнүн мыйзамдуу ыкмаларына өтүү жана коррупцияга каршы күрөштү күчөтүү тууралуу билдирди. Анын айтымында, негизсиз бизнес текшерүүлөрү 2026-жылдын январынан тартып токтотулат. Агенттик мыйзамсыз ишмердүүлүктү катуу токтотуу менен бирге ишкерлер менен өнөктөштүк мамилелерди түзүүнү көздөйт. Шабданбеков ошондой эле ички тазалоолор болуп жатканын жарыялады: жети кызматкер жумуштан…

Шаар башчысы Айбек Жунушалиевдин буйругу менен анын биринчи орун басары болуп Кубанычбек Иманалиев дайындалды. Буга чейин Бишкектин биринчи вице-мэри кызматын аркалап келген Мирланбек Байгончоков 17-мартта Эмгек, социалдык камсыздоо жана миграция министринин орун басары болуп дайындалган. Ал эми Кубанычбек Иманалиев 2023-жылдын февралынан 2026-жылдын февралына чейин Манас шаарынын биринчи вице-мэри болуп иштеген.