Рубрика: Коом

Бүгүн Ош шаарындагы Э.Алиев көчөсүндө жайгашкан, мурда рекультивацияланган Хохлова көрүстөнүнүн аймагында кеңири масштабдагы жашылдандыруу иш-чарасы өткөрүлдү. Долбоордун негизги максаты — шаардагы экологиялык абалды жакшыртып, жаңы эс алуу жана жашыл мейкиндиктерди түзүү. Иш-чарага Ош шаарынын мэри Жанарбек Акаев, жаратылыш ресурстары, экология жана техникалык көзөмөл министри Акыл Токтобаев, Жогорку Кеңештин депутаттары, шаардык кеңештин төрагасы, коомдук ишмерлер, аксакалдар,…

Ош шаарындагы мектептердин аймактарынан 100 метр радиуста жайгашкан соода объекттеринде зыяндуу тамак-аш азыктарын сатууга тыюу салуу боюнча рейддик иш-чаралар башталды. Анын алкагында санитардык-эпидемиологиялык кызмат (СЭС) тарабынан зыяндуу деп табылган азыктар сатуудан алынып салынды. Бул чаралар мектеп окуучуларынын ден соолугун коргоо максатын көздөйт. Белгилей кетсек, соода түйүндөрүнүн ээлерине жогорудагы талаптарды сактоо боюнча алдын ала эскертүүлөр берилген.

Мекеме айдоочулук күбөлүктү шашылыш тартипте берүү кызматын иштеп чыгууда. Долбоор кабыл алынса, жарандар күбөлүктү 3 саатта, 1 күндө же 2 күндө ала алышат. Кызмат акы төлөнүүчү болот, баалары азырынча аныктала элек. Азыр күбөлүк бардык документтер толук болуп, экзамендер ийгиликтүү тапшырылса 4 жумуш күндө берилет.

Бүгүн өлкөнүн тоолуу аймактарында кар көчкүсү түшүүсү мүмкүн. Бул тууралуу Кыргызгидромет билдирди. Абанын температурасы Чүй облусунда 15…20, Талас чөлкөмүндө 12…17, Ош, Жалал-Абад, Баткен аймактарында 14…19, Ысык-Көлдө 10…15, Нарын өрөөнүндө 6…11 градус жылуу болот. Термометрдин көрсөткүчү Бишкекте 17…19, Ош шаарында 16…18 градусту түзөт.