Бүгүн Дубайда Кыргызстан менен Өзбекстандын курама командалары контролдук беттеш өткөрөт. Бул тууралуу Кыргыз футбол биримдиги билдирди.
Оюн машыгуулар алкагында өтүп, анда футболчуларды алмаштыруу мүмкүнчүлүгү чектелбейт. Эки команда тең 2023-жылкы Азия Кубогуна даярданып жаткандыктан, беттеш түз эфирсиз жана көрүүчүлөр жок жабык форматта өтөт.
Азия кубогу 2024-жылы 12-январдан 10-февралга чейин Катарда болот. Кыргызстан бул мелдеште Таиланд, Сауд Арабия жана Оман курамаралары менен бир тайпада жайгашкан.
Азия кубогунун алкагындагы биринчи беттеш 16-январда Таиланд менен болуп өтөт.
Нурзаада Мурзаматова