Кыргызстандын мусулмандар дин башкармалыгынан муфтийдин кызмат ордуна сынак жарыялангандыгын билдиришти.
Талапкерлер Муфтиятка 2024-жылдын 27-январынан 6-февралына (саат 17:00гө чейин) чейин документтерди тапшырышы керек.
Ушул жылдын 10-февралында Кыргызстан мусулмандарынын кезексиз курултайы чакырылып, анда өлкөнүн муфтийи тандалат.
Белгилей кетсек, 26-январда Замир Ракиев Кыргызстандын мусулмандар дин башкармалыгынын жетекчилигинен өз каалоосу менен кеткендигин кабарлашты.
Кыргызстан мусулмандарынын Азирети Муфтийи кызмат ордуна талапкер үчүн коюлган талаптар:
1. Кыргыз Республикасынын негизги мыйзамдары жана демократиялык коомдун негизги принциптери жөнүндө түшүнүгү бар;
2. Матуриди акыйдасын жана Ханафи мазхабын терең билген / карманган;
3. Жогорку диний жана жогорку светтик билимге ээ;
4. Куран, тафсир, акыйда, хадис, фикх жана башка Ислам негиздерин терең өздөштүргөн;
5. КМДБнын курамында беш жылдан кем эмес жетекчилик кызматта иштеген;
6. Мусулман коомчулугунун, туугандарынын, үй-бүлөсүнүн арасында аброю жогору болгон жана элдин ишенимине кирген;
7. Мурда соттолбогон;
8. Эч бир саясий партияларга жана кыймылдарга катышы жок;
9. Жетекчилик, уюштуруучулук жана лидерлик сапатка ээ;
10. Адеп-ахлагы бийик, адилеттүү, адамгерчиликтүү, такыба, гумандуу, чынчыл жана калыс;
11. Мамлекеттик жана араб тилдеринде эркин сүйлөгөн жана мына ушул тилдерде өз ой пикирин кеңири жаза алган Кыргыз Республикасынын жараны Кыргызстан мусулмандарынын Азирети Муфтийи кызмат ордуна талапкер катары каттала алат.
Нурзаада Мурзаматова