Парламенттен билдиришкендей, жолугушууга Жогорку Кеңештин Улуу Британия Бириккен Падышалыгы жана Түндүк Ирландия, Ирландия менен кызматташтык боюнча депутаттык достук тобунун жетекчиси Жанарбек Акаев да катышты.
Жолугушуунун жүрүшүндө тараптар эки өлкөнүн кызматташтыгындагы актуалдуу маселелерди талкуулашты. Мындан сырткары март айында Жогорку Кеңештин төрагасы Нурланбек Шакиевдин Улуу Британияга визитин уюштуруу маселеси каралды.
Улан Примов менен Николас Боулер Улуу Британиянын парламентинин жана аткаруу бийлигинин расмий өкүлдөрү менен пландалган жолугушуулар жана программалар боюнча пикир алмашты.
Жолугушуунун соңунда тараптар Кыргызстан менен Улуу Британиянын ортосундагы мамилелер мындан ары да жигердүү өнүгүп жана кеңейе берерине ишенимин билдиришти.
Нурзаада Мурзаматова