Wildberries Чүй облусунун аймагында заманбап логистикалык борбор курат. Бул тууралуу Экономика министрлигинен билдиришти.

Маалыматка ылайык, кол коюу аземи күн мурун, 16-майда Татарстанда өтүп жаткан “Казань Экспо” эл аралык көргөзмө борборунун аянтында “Россия-Ислам дүйнөсү: Kazan Forum 2024” эл аралык экономикалык форумунун алкагында өттү.

Меморандумга экономика министринин орун басары Назарбек Малаев, Президенттин Чүй облусундагы өкүлү Канат Жумагазиев жана Wildberries эл аралык электрондук коммерция жана логистикалык платформасынын башкы директору Татьяна Бакальчук кол койду.

Меморандум инвестициялык долбоорду ишке ашыруу боюнча өз ара түшүнүшүү жана кызматташууну, ошондой эле Чүй облусунда трансчек аралык электрондук соодасын тейлөө үчүн 300 миң м2 заманбап логистикалык борбордун курулушун камтыйт.

Ири масштабдуу инфраструктуралык долбоорду ишке ашыруу республиканын ИДПсынын динамикасына оң таасирин тийгизет, жаңы чакан жана орто ишканаларды өнүктүрүү жана пайда кылуу аркылуу калктын иш менен камсыз болуу деңгээлин жана экономикалык активдүү калктын санын көбөйтүүгө көмөктөшөт.

“Бүгүнкү күндө Бишкек жана Ош шаарларында Wildberries`тин сорттоочу 2 борбору жана 130дан ашык тапшырыктарды жеткирүү пункттары бар”, – деп айтылат маалыматта.

Белгилей кетсек, Кыргызстанда электрондук соода абдан тездик менен өнүгүп жатат. Бүгүнкү күндө аталган маркетплейсте кыргызстандык 17 миңден ашуун сатуучу катталган, ал эми 2022-жылы алардын саны 7 миңге жакын болгон.

Related Post

Добавить комментарий

Ваш адрес email не будет опубликован. Обязательные поля помечены *