Ош облусунун Кара-Суу районундагы №125 Боболашкар мектебинин жана Өзгөн районундагы №57 А.Өмүрзаков атындагы мектептин жаңы имараттарынын курулушу башталды. Бул тууралуу Өзгөчө кырдаалдар министрлигинен билдиришти.
Маалыматка ылайык, курулуш иштери Дүйнөлүк банк тарабынан каржыланууда. Жаңы курулган мектептер жер титирөөлөргө туруштук берип, электр энергиясын үнөмдөйт. Ошондой эле майыптыгы бар балдар үчүн ыңгайлуу шарттар түзүлүп, санитардык-гигиеналык талаптарга жооп берген мектеп курулат.
Мектеп гана эмес имараттын короосу да көрктөндүрүлүп, видеобайкоо системалары коюлат жана тышкы мектеп инфраструктуралары орнотулат.
Нурзаада Мурзаматова