Улуттук банк коммерциялык банктарга интернет-банкинг жана мобилдик тиркемелер аркылуу акча которуу үчүн комиссиялык акы алууга тыюу салууну сунуштады. Бул тууралуу токтом долбоору Улуттук банктын сайтына жана Ченемдик укуктук актылардын долбоорлорун коомдук талкуулоонун бирдиктүү порталында жарыяланды.
Мисалы, банктар арасында Элкарт картасын колдонуу менен өлкө ичинде которуулар үчүн комиссиялар 0 сомдон 150 сомго чейин , улуттук валютадагы VISA картасы үчүн – 0 сомдон 250 сомго же 1%га чейин, чет элдик валютада – 0,1%дан 1 сомго чейин болушу мүмкүн.
Маалыматка ылайык, бул аракет накталай эмес төлөмдөр менен эсептешүүлөрдүн үлүшүн көбөйтүү жана калк үчүн банктык кызмат көрсөтүүлөрдүн жеткиликтүүлүгүн жогорулатууну максат кылаары айтылган.
Нурзаада Мурзаматова