№13 көп мандаттуу шайлоо округу боюнча Жогорку Кеңештин депутаттарын кайра шайлоого талапкерлерди көрсөтүү мөөнөтү аяктады. Бул тууралуу БШК билдирди.
Шайлоо күнү — 1-мартка белгиленди.
Бардыгы болуп 31 талапкер көрсөтүлгөн. Эркектер — 21,аялдар — 10.
Азырынча 11 талапкер катталды. 4 талапкер шайлоодон баш тартты. 1 талапкерге каттоодон баш тартуу чечими кабыл алынды
Эске салсак, Жогорку Кеңешке мөөнөтүнөн мурда шайлоо 2025-жылдын 30-ноябрында өткөн. №13 округда мыйзам бузуулар аныкталгандыктан, БШК добуш берүүнүн жыйынтыктарын жараксыз деп тааныган.
