Экономика өсүп келе жатат, бирок жөлөк пул беш жыл мурдагы жобо менен аз көлөмдө берилип жатат. Бул тууралуу Жогорку Кеңештин депутаты Улан Примов жыйында айтты.
Ал Министрлер кабинетинин төрагасынын орун басары Эдил Байсаловго кайрылып, социалдык тармакка өзгөчө көңүл бурууну өтүндү.
Парламенттеги «Элдик» жана «Адилет» депутаттык топтору 30-январдагы жыйынында социалдык тармактагы маселелерди карап жатат.
