Евробиримдик АКШнын Visa жана Mastercard төлөм системаларына көз карандылыкты азайтуу үчүн өзүнүн бирдиктүү төлөм платформасын иштеп чыгууга ниеттенүүдө. Бул тууралуу Financial Times Европалык төлөм демилгесинин (EPI) башчысы Мартина Ваймертке таянып билдирди.
Анын айтымында, америкалык компаниялардын үстөмдүгү геосаясий басым коркунучун жаратат. Ошондуктан өз алдынча система түзүү Европанын стратегиялык приоритетине айланды.
Европанын Борбордук банкынын маалыматы боюнча, 2022-жылы евроаймагындагы карталык төлөмдөрдүн дээрлик үчтөн экисин Visa жана Mastercard иштеткен. Көп өлкөлөрдө улуттук альтернатива жок.
