2025-жылы Кыргызстан менен Тажикстандын ортосундагы товар жүгүртүү 36 млн долларды түзүп, 2024-жылга салыштырмалуу дээрлик 24 эсеге көбөйгөнү айтылды.
Бул тууралуу 13-февралда Бишкекте МинКаб төрагасы Адылбек Касымалиев менен Тажикстандын премьер-министри Кохир Расулзоданын жолугушуусунда маалымдалды.
Адылбек Касымалиев соода жүгүртүүнү 500 млн долларга жеткирүү милдети коюлганын белгилеп, Кыргызстан бул максатка жетүүгө даяр экенин айтты. Кыргыз-тажик Өкмөттөр аралык кеңешинин биринчи жыйынында тараптар соода-экономикалык жана маданий-гуманитардык кызматташтыкты күчөтүү маселелерин талкуулашты.
