Айыл чарба министри Эрлист Акунбеков Нарын облусунун Эмгекчил айылына жумушчу сапары менен барып, мал чарба ишканаларынын ишин текшерип, аймактагы эпизоотиялык абалга баа берди.
Жергиликтүү тургундар менен жолугушууда ал оорулуу малды сөзсүз бөлүп кармоо керектигин айтып, бул инфекциянын жайылышын алдын алуунун негизги чарасы экенин белгиледи.
Жыйынтыгында жергиликтүү ветеринардык кызматтарга түшүндүрүү иштерин күчөтүү, маселелерди жеринде ыкчам чечүү жана оорулардын алдын алуу боюнча өз убагында чара көрүү тапшырмасы берилди. Ошол эле учурда министрлик мал кайсы ооруга чалдыкканы такталганын билдирген жок.
