Тышкы иштер министрлиги Кувейт, Бахрейн жана Катардын аймактарындагы Кыргызстандын жарандарын кайтаруу боюнча атайын эвакуациялык авиакаттам уюштурууда. Эвакуациянын биринчи этабында жарандардын тизмеси түзүлүп, виза жана өлкө аймагынан чыгуу үчүн уруксаттар алынган. 13-мартта жарандар Эль-Кувейт, Манама жана Доха шаарларынан автобустар менен Эр-Рияд шаарына багыт алды.
Президент Садыр Жапаров Жакынкы Чыгышта күчөп жаткан чыңалуу тынчсыздануу жаратып жатканын билдирди. Ал жаңжалдын ыйык Орозо айында болуп жатышы өкүнүчтүү экенин белгиледи. Мамлекет башчысы карапайым жарандардын курман болушун айыптап, алардын жакындарына көңүл айтты. Жапаров БУУнун уставына ылайык, тараптарды сабырдуулукка чакырып, согуш аракеттерин токтотууга, кырдаалды тынчтык жолу менен чечүү үчүн диалогго кайтууга үндөдү.
Тышкы иштер министринин орун басары Алмаз Имангазиев Жогорку Кенештин жыйынында дипломатиялык жана кызматтык паспорттордун ээлери үчүн визасыз режим боюнча башка өлкөлөр менен келишимдерге кол коюу тышкы саясий иштин бир бөлүгү экенин билдирди. Ал Сербия менен бул багытта ийгиликтер жаралганын жана Кыргызстандын жарандары эми бул өлкөгө визасыз бара алышарын баса белгиледи. Ошондой эле Имангазиев кыргызстандыктарга ушундай…
Кыргызстандын «Көк бөрү» федерациясынын жетекчиси Эрлан Абдыкапаровдун айтымында, уюштуруучулар мелдешке 10 күн калганда гана чакыруу жиберишкен. Мындай кыска убакытта аттарды даярдап, курама команданы чогултуу мүмкүн болбогондуктан турнирге катышпоону чечишкен. Ошондой эле учурда Кыргызстандагы клубдар Ноорузга карата өтө турган «Көчмөндөр оюндарына» тандоо турнирине даярданып жатышат. Мындан улам команда жетекчилери аттарын жана оюнчуларын бошото албай турганы айтылды….
Эл аралык энергетика агенттиги Ормуз кысыгы аркылуу мунай жеткирүүдөгү рекорддук үзгүлтүктөн улам чукул жыйын чакырууда. Жолугушууда дүйнөлүк энергетикалык рынокту турукташтыруу жана өзгөчө кырдаалдар үчүн сакталган мунай запастарын колдонуу маселеси каралат. ЭЭАнын маалыматына ылайык, катышуучу өлкөлөрдө 1,2 млрд баррель стратегиялык резерв жана 600 млн баррель өндүрүштүк запас бар. Бул кырдаалдан кийин Brent үлгүсүндөгү мунайдын баасы 119,36…
Молдованын өкмөтү Көз карандысыз мамлекеттер шериктештигин (КМШ) түзүү жөнүндөгү макулдашууну денонсациялоо тууралуу токтомду бекитти. Муну менен өлкө аймактык уюмдан чыгуу жараянын аяктап жатат. Эми документ парламентте каралып, президент Майя Сандунун кол коюусуна жөнөтүлмөкчү. Молдова 2023-жылдан бери уюмдун ишине катышпай жүрөт.
Трамп Путинге телефон чалып, экөө Украина маселесин, Иран жана Венесуэладагы кырдаалды талкуулашты. РФ лидери Ирандагы жаңжалды мүмкүн болушунча тез арада саясий-дипломатиялык жол менен жөнгө салуу боюнча сунуштарын айткан. Владимир Путиндин жардамчысы Юрий Ушаков, сүйлөшүү ачык жана конструктивдүү маанайда өткөнүн билдирди.
9-мартта Жогорку Кеңештин төрагасы Марлен Маматалиев Кытайдын Кыргызстандагы элчиси Лю Цзянпин менен жолугуп, эки өлкөнүн кызматташтыгы жана парламенттер аралык байланыштар тууралуу сүйлөштү. Элчи Кытай жетекчилиги Кыргызстан менен алакага чоң маани берерин айтып, кыргыз-кытай кызматташуусунун «алтын доору» башталганын белгиледи. Жолугушууда энергетика, инфраструктура жана өндүрүш тармактарындагы иштер, инвестициялык долбоорлорду илгерилетүү жана маданий байланыштарды чыңдоо маселелери да талкууланды.
2026-жылдын 7-мартында Кыргыз Республикасынын Тышкы иштер министри Жээнбек Кулубаев Түркия Республикасына болгон иш сапарынын алкагында, Кыргыз Республикасынын Стамбул шаарындагы Башкы консулдугуна барды. Иш-чарага Кыргыз Республикасынын Түркия Республикасындагы Атайын жана Ыйгарым укуктуу Элчиси Руслан Казакбаев, Кыргыз Республикасынын Стамбул шаарындагы Башкы консулу Чыңгыз Токтобеков жана консулдуктун кызматкерлери катышты. Министр консулдуктун имаратында жүргүзүлгөн оңдоп-түзөө иштеринин жыйынтыгы менен таанышып,…
АКШ менен Израилдин аба соккуларынан каза болгон аятолла Али Хаменеинин уулу, 56 жаштагы Можтаба Хаменеи Ирандын жаңы Жогорку лидери болуп калды.Ал Ирандын Эксперттер Ассамблеясы тарабынан бир добуштан шайланган. Можтаба Хаменеи 1980-жылдары кызмат өтөп, андан кийин диний семинарияда сабак берген. 2004-жылы ал Иран парламентинин спикеринин кызына үйлөнгөн. 2019-жылы АКШ ага каршы санкцияларды киргизген.
