4 коомдук транспорттун айдоочусу иштен алынды. «Бишкек жүргүнчүлөр автотранспорт ишканасы» муниципалдык ишканасы жол кырсыктарынын алдын алуу жана болтурбоо максатында иш алып барууда. Алсак, ишкананын ички комиссиясынын чечиминин негизинде жол эрежесин одоно бузган коомдук транспорттун 4 айдоочусу жумуштан четтетилип, 2 айдоочу 50% сый акысынан, 8 айдоочу 100% сый акысынан ажыратылды. Белгилей кетсек, ички комиссиянын жыйыны жума…
УКМКнын Чек ара кызматына жаңы аскердик-техникалык жабдыктар сатып алынды. Бул тууралуу Улуттук коопсуздук мамлекеттик комитеттин маалымат кызматы 18-мартта кабарлады. Атайын кызматтын төрагасы Камчыбек Ташиев Чек ара кызматынын аскердик бөлүгүнө барып, атайын техника алуу үчүн республикалык бюджеттен акча каражаты бөлүнгөнүн айтты. Аскердик-техникалар чек ара бөлүктөрүнө жөнөтүлөт.
Бүгүн Кыргызстандын өлкө башчысы Садыр Жапаров Россия Федерациясынын президенти Владимир Путин менен телефон аркылуу сүйлөштү. Бул тууралуу президенттин басма сөз кызматынан билдиришти. Садыр Жапаров Владимир Путинди болуп өткөн президенттик шайлоодогу ишенимдүү жеңиши менен куттуктап, бул Россия элинин мамлекеттик эгемендүүлүктү бекемдөө, калктын бакубаттуулугун жогорулатуу, Россия мамлекетинин өз алдынча, көз карандысыз жана ачык тышкы саясатын жүргүзүү боюнча…
«Жооптуу бол!» аталышында республикалык бир айлыктын алкагында февраль айында республика боюнча 18 жаштан жогорку курактагы 680 миңден ашык эркектер жугуштуу эмес ооруларга алып келүүчү тобокелдик факторлорун аныктоо үчүн баштапкы медико-санитардык жардам көрсөтүү уюмдарына барышты. Жугуштуу эмес оорулар (ЖЭО) – бул өнөкөт, жай өөрчүгөн оорулар. Аларга жүрөк-кан тамыр оорулары, рак, өпкө оорулары жана кант диабети кирет….
Муфтияттын маалыматына караганда, Кыргызстанда Кадыр түн 6-апрелге караган түнү болот. Адатта Кадыр түн орозо башталгандан кийин жыйырма жетинчи түндө тосулат. Ал эми Орозо айт 10-апрелде белгиленмекчи.
Кыргызстан менен Тажикстан чек аранын дагы 10,76 чакырым тилкесин макулдашты. Бул туурасында министрлер кабинетинин маалымат кызматы билдирди. Эки өлкөнүн топографиялык жана жумушчу топторунун жолугушуусу коңшу өлкөнүн Бустон шаарында 12-17-март күндөрү Камчыбек Ташиев менен Саймумин Ятимовдун жетекчилиги астында өткөн. Тараптар чек араны тактоо иштерин улантууда, кийинки жолугушуу Кыргызстандын аймагында болот. Кыргыз-тажик чек арасынын узундугу 972 чакырым….
Кыргызстан 12 жылдык окуу системасына качан өтүшү анык эмес. Бул тууралуу билим берүү жана илим министрлиги билдирди. Маалым болгондой 12 жылдык билим берүүгө мамлекет башчы макулдугун берген. Буга чейин мурдагы билим берүү жана илим министри Алмазбек Бейшеналиев дагы ушундай системаны демилгелеген. Ал мунун максаты мектептерди эл аралык стандартка ылайыкташтыруу, чет өлкөгө окуу үчүн ыңгайлуу шарт…
Жогорку Кеңештин депутаттары аймактарга барып, шайлоочулар менен иш алып барат. Парламенттен билдиришкендей, тиешелүү токтомдун долбоору бүгүн, 14-марттагы Жогорку Кеңештин жыйынында кабыл алынды. Ага ылайык, 2024-жылдын 18-мартынан тартып 20-мартын кошуп алгандагы мезгил жана 25-мартынан тартып 29-мартын кошуп алгандагы мезгил Жогорку Кеңештин депутаттарынын шайлоочулар менен иштөө убактысы деп эсептелет.
Үстүбүздөгү жылдын эки ай ичинде 26 миңден ашуун ымыркай бир жолку төлөнүүчү сүйүнчүпулун алышты. Ал үчүн мамлекеттик казынадан 105 млн.сомдон ашуун каражат бөлүнгөн. Ар бир бала төрөлгөндө бир жолку жөлөкпул 4000 сомду түзөт. Эгерде бир убакта үч же андан көп бала төрөлсө, ар бир балага “балага сүйүнчү” 50 миң сомдон төлөнөт. Бир жолку төлөмүнө арыз…
Ош шаарындагы №3 Ломоносов атындагы мектеп-гимназиясындагы окуяга министрлик үн катты. Билим берүү жана илим министрлиги кечээ 14-март күнү эрте мененки саат 8.15те директор класс жетекчилер, социалдык педагогдор, мектептен жана класстан тышкаркы иштерди уюштуруучулар менен биргеликте сабакка кечигип келген окуучуларга мектеп формасын сактоо жана кечикпей келүү боюнча түшүндүрүү иштерин жүргүзгөн. Ошол окуучулардын бирине директор жана мугалимдер…
