Сасык тумоого чалдыккандардын 65% жаш балдар

Өткөн аптада сасык тумоо жана башка вирустук илдеттер менен ооруган жарандардын саны 16 миңди түздү. Бул тууралуу Мамлекеттик эпидемиологиялык көзөмөл департаменти билдирди.
Ооругандардын 65 пайызы 14 жашка чейинки балдар. Департамент бул мезгилде А тобундагы сасык тумоо күч алаарын белгилейт.
Андан сырткары COVID-19 инфекциясын жуктуруп алгандар дагы бар. Күнүнө 2-5 учур катталууда.
Департамент ооруга чалдыккандарды беткап эрежесин жана санитардык талаптарды так сактап, ооруган балдарды үйдө алып калып, дарыгердин кароосу менен гана дарылоо кеңешин берет.