Жакында салык кызматынан дагы жаңы акция башталат. Бул тууралуу Мамлекеттик салык кызматынын басма сөз кызматы билдирди.
Маалыматка ылайык, жаңы акция тууралуу, анын ичинде катышуу шарттары жана байгелердин тизмеси жакынкы аралыкта жарыяланат. “Салык чек” тиркемеси кассалык чектерди сканерлөө үчүн ишенимдүү курал бойдон каларын эске салышат.
Эскерте кетсек, 2023-жылы Салык кызматы “Чек талап кылып, байге утуп ал!” лотереясынын эки этабын өткөрүп, анын жүрүшүндө 2 миң 376 баалуу байге ойнотулган. Алардын ичинен 10 батир, 20 электромобиль жана 6 чет өлкөгө жолдомо ойнотулду.
Бегимай Асанова