Өлкөнүн эгемендүүлүк күнүнө карата Ош шаарынын борбордук аянтында 1 жаштан 3 жашка чейинки 33 баланын тушоосу кесилди. Буга балдар, кыз-келиндер, улуу муундагы кишилер чуркашты. Бул саамалыкты Дене тарбия жана спорт комитети уюштурган. Жеңүүчүлөргө ар түрдүү кызыктыруучу белектер менен ыйгарылды.
Бүгүн, 31-август – Кыргызстандын эгемендигинин 33 жылдыгы белгиленип жатат. Жогорку Кеңеш 1990-жылдын октябрында өлкө аталышын Кыргыз Республикасы деп өзгөртүп, 15-декабрда Эгемендик декларациясы кабыл алынган. 1991-жылдын 31-августунда өлкөнүн Эгемендик күнү жарыяланган. Учурда Борбордук Ала-Тоо аянтында 100 метр болгон жаңы флагштогдун туусу салтанаттуу көтөрүлдү.Иш-чара Кыргызстандын Эгемендүүлүк күнүнө жана Кара-Кыргыз автономиялуу облусунун түзүлгөндүгүнүн 100 жылдыгына арналат.
Россия мигранттарга көзөмөлдү күчөткөнүн Тышкы иштер министрлиги кабарлады.8-августта мигранттарды өлкөдөн чыгаруу тартибине жаңы укуктук режим киргизүү боюнча мыйзамга кол коюлган. Ал Россияда жүрүүгө мыйзамдуу негиздери жок чет элдиктерге карата колдонулат. ТИМ Россиядагы кыргызстандыктарды өзүнүн укуктук абалын жөнгө салуу үчүн убагында компетенттүү органдарга кайрылууга чакырат. Чектөөчү чаралар 2025-жылдын 5-февралында күчүнө кирет. Бирок ага чейин Россиянын аймагында…
Жогорку Кеңештин мурдагы депутаты Шайлообек Атазов кайра рингге кайтып келди. Ал бүгүн Тайландда Муай Тай боюнча дүйнөлүк чемпиондук кур үчүн беттешет. Эске салсак, Шайлообек Атазов кесипкөй боксчу, ал 2006-жылы кикбоксинг боюнча дүйнө чемпиондугун, андан кийин дагы бир катар эл аралык мелдештерди жеңген.
Өзбекстандын жана Египеттин жарандары Кыргызстандын миграция мыйзамдарын гана бузбастан элди мыйзамсыз дарылап дагы келишкен. Бул тууралуу УКМК кабарлады. Алар Ош шаарында «Ойдин» клиникасын эч бир уруксат кагаздары жок уюштурушкан. Анда ички органдардын ооруларын диагностикалоо, фитотерапия, хижама, массаж жана башка кызматтарды көрсөтүшкөн.
Дүйнөлүк көчмөндөр оюндары 2026-жылы Өзбекстанда өтөт. Бул тууралуу 2024-жылдын сентябрь айында Астанада өтө турган оюндарга улуттук курама команданы даярдоо боюнча жыйында белгилүү болду. Буга чейин VI Дүйнөлүк көчмөндөр оюндары Кыргызстанда өтө турганы айтылган. Эске салсак, оюндар үч ирет Кыргызстанда, төртүнчүсү Түркияда өткөн. Эми бешинчиси сентябрь айында Казакстанда болот.
Ош шаарында көп балалуу аялдарга «Баатыр эне», «Эне даңкы» сыйлыгы ыйгарылды. Бул тууралуу мэрия билдирди. 15 аял «Баатыр эне» болушса, 11и «Эне даңкы» медалын алышты.“Баатыр эне” наамы жети жана андан көп бала төрөгөн, балдарга бардык жактан татыктуу тарбия берген энелерге ыйгарылат. Ал эми «Эне даңкы» медалы менен алты бала төрөгөн жана аларды татыктуу тарбиялаган Кыргыз…
Улуттук банктын лицензиясы жок нак чет өлкө валютасы менен алмашуу операцияларын жүргүзгөн эки жаранга айып салынды. Бул тууралуу жөнгө салуучу орган билдирди. Ошондой эле, Баткен облусунда мыйзамдардын жана Улуттук банктын ченемдик укуктук актыларынын талаптарын бузган эки алмашуу бюросунун ар бирине 55 миң сомдон айып пул салынган. Бул чаралар валюталык операцияларга көзөмөлдү күчөтүүгө жана каржы тармагындагы…
Бишкекте 7 айда 156 миң 290 тонна таштанды чыгарылды. Бул тууралуу муниципалитеттен маалымдашты.Маалыматка караганда, 2022-жылга салыштырмалуу 50 271 тоннага жана 2023-жылга салыштырмалуу 38 589 тоннага көбөйгөн.Белгилей кетсек, бул көйгөйдү чечүү үчүн атайын жабдууларды алуу боюнча келишимдер түзүлгөн. Участокторду толук камтуу үчүн зарыл болгон таштанды ташуучу унаалардын келиши жакынкы аралыкта пландалууда.
Кыргызстан быйыл картошканын экспортун дээрлик эки эсе көбөйттү. Статистика комитетинин маалыматы боюнча, быйыл январь-июнь айларында Кыргызстан чет жакка 32 миң тоннадан ашык картошка саткан. Былтыр 6 айда экспорт 16,6 миң тонна болгон.Кыргызстан картошканы Өзбекстан, Азербайжан, Казакстан, Кытай жана Россияга сатууда. Алардын ичинен картошка эң көп 83% Өзбекстанга экспорттолгон. Быйыл жарым жылда 26 миң 585,1 тонна…
